الآيزو ISO

iso2

مجرد تذكير سريع

قلنا ان مثلث التعريض يتكون من ثلاث عناصر رئيسية

triangle [ دروس تصوير ] الدرس رقم ٤   الآيزو ISO

١- سرعة الغالق

٢- فتحة العدسة

٣- الحساسية (وهي عنوان درسنا اليوم)

الحساسية – ISO

الحساسية المقصود بها حساسية الحساس للضوء

يعني وش كثر الحساس يتأثر بالضوء.

أنا متأكد ان الكثيــــر قد صوروا صور وطلعت زي هذي

iso1 [ دروس تصوير ] الدرس رقم ٤   الآيزو ISO

وكثيرين بعد ما يشوفون كاميراتهم تصور زي كذا يقولون كاميرتي بايخة ويرميها في الدولاب أو في الدرج أو نلقاه عارضها للبيع في أحد المنتديات

طيب انتظر شوي .. شوف وين المشكلة .. ليش مستعجل ؟

لا تتوقع انك أول واحد يستقعد له الآيزو تراهي معقده المصورين من زمــــان

قبل ما أجيب لك قصص الأولين مع الحساسية أو الآيزو. خلونا نشوف متى نحتاج نعدل في الآيزو

في مثلث التعريض نعرف ان لــ

سرعة الغالق تاثيرين : التحكم بالضوء و تجميد الحركة

 فتحة العدسة تأثيرين : التحكم بالضوء و عمق الميدان

إذا المصور يبي يصور صورة ويحتاج إعدادات معينة لسرعة الغالق (مثلاً ١/60٠٠)

ويبي أكبر فتحة عدسة ممكنة لعدسته مثلاً (٣.٥)

وصور صورة وطلعت مظلمة زي كذا

iso3 [ دروس تصوير ] الدرس رقم ٤   الآيزو ISO

والمصور مرررة متورط ..

ما يقدر يغير سرعة الغالق ويخليها أبطأ لأنه خايف من الاهتزاز

وما يقدر يغير فتحة العدسة لأن العدسة هذي امكانياتها

وش يسوي ؟ يعتزل تصوير ؟

لا طبعاً

وقتها يبدأ يغير في الآيزو.. ويرفعه

الآيزو في الكاميرات يتدرج ما بين الـ ٥٠ إلى ٢٠٤٨٠٠ وأكثر ويكون على وقفات زي كذا

٥٠ – ١٠٠ – ٢٠٠ – ٤٠٠ – ٨٠٠ – ١٦٠٠ – ٣٢٠٠ – الخ

كل ما كان القيمة أقل كل ما كانت كمية الحساسية أقل وبالتالي ضوء أقل في الصورة.

بتقولون ارفع الآيزو على أعلى شيء !

المصور اللي قبل شوي كان مجبور بانه يرفع الآيزو عشان ما تكون صورته مظلمة

يوم رفع الآيزو شوفوا وش صار

iso4 [ دروس تصوير ] الدرس رقم ٤   الآيزو ISO

طلعت لنا صورة بتعريض متناسب .. بس في المقابل واجهنا عيب التحبب في الصور أو النويز noise

التحبب في الصور هو أكبر عيوب رفع الآيزو

الحمدلله مع التطور في الكاميرات والحساسات صار بإمكان المصور انه يرفع الآيزو إلى ٦٤٠٠ ومايوضح شيء في الصورة (بعض الكاميرات مو كلها)

خلونا نشوف مقارنة بين الصورتين قبل مايرفع الآيزو وبعد

iso2 [ دروس تصوير ] الدرس رقم ٤   الآيزو ISO

نشوف على اليسار صورة بدون نويز بس مظلمة

على اليمين صورة واضحة بس كلها نويز

تكلمنا قبل شوي وقلنا ان المصورين الأولين تعذبوا من الآيزو .. ليه ؟

الحين عندنا حساس والحساس هو اللي يتأثر بالحساسية

بس في السابق ماكان فيه  حساس .. كان فيه فلم

فالمصور إذا يبي يغير الآيزو يروح يغير الفلم

الحين بس تفر لك زر في الكاميرا وخلاص

iso5 [ دروس تصوير ] الدرس رقم ٤   الآيزو ISO

كل موديل كاميرا يختلف عن الثانية في المدى حق الآيزو الخاص فيها

راجع مواصفات الكاميرا وشوف وش المدى الخاص بكاميرتك

كل ما قل الآيزو كل ما كانت الصورة أنقى وأكثر دقة .. بس في المقابل الضوء اللي يدخل أقل

دائما … خل الآيزو آخر الحلول لديك

جرب تغير  سرعة الغالق أو فتحة العدسة للوصول للتعريض المثالي

إذا ما قدرت وقتها جرب الآيزو

في حال صورت بآيزو عالي وطلعت الصورة محببة وكلها نويز

ممكن عن طريق برامج التعديل ( زي الفوتوشوب ) انك تقلل من النويز .. بس بشكل بسيط

لكثرة الكاميرات وتنوعها واختلاف طريقة تعديل الآيزو فيها .. ما حطينا أمثلة

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s