تعرف على ذاكرة الوايرلس Eye-Fi بتقنياتها المذهلة!

dsc1563

السلام عليكم ورحمة الله وبركاتة


هالشركة أحد يعرفها او سمع فيها ؟
الحين باذن الله بعلمكم وش قصتها ووش سوت من خدمة عظيمة للمصورين
هالشركة بدت عام 2005.وتخصصت فيه صناعة وبناء كروت الذاكرة وهي في قيد تسجيل براءه الاختراع في منتجها اللي بتكلم عنه اللي هو آي-فاي

طيب سؤال/ وشهو الآي-فاي ؟؟
جواب/ ابد ميموري كارد

صبر صبر
هو صح انه ميموري كارد بس مزودة بتقنية الوايرلس

يعني شلون ؟؟
يعني طال عمرك هو ميموري كارد من نوع اس دي
اللي هو ذا ( وترى يجي منه بسعات مختلفة )

شكلة عادي زي أي ميموري كارد بس داخلة قطعه وايرلس
عاد شلون حطو داخلها وايرلس مدري 

المهم
الوايرلس اللي بداخلها يسمح لنا أننا ننقل الصور اللي نصورها بالكاميرا الى الكمبيوتر بدون لا كيابل ولا حتى تفك الميموري وتحطها بالكمبيوتر وتحوس .. كل اللي عليك تسوية بعد ماتخلص تصوير تخلي الكاميرا شغالة وهي بنفسها بتنقل الصور وانت مرتاح بعد ماتخلص الكاميرا نقل الصور تقفلها وخلاص تلاقي صورك كلها موجودة عندك ومرتبة بحسب اليوم بفولدرات او يمديك ترتبها بطريقة اخرى

طيب عشان أفهمكم شلون ننقل الصور
لازم يكون عندنا 3 اشياء
الكاميرا وبداخلها الميموري + جهاز الكمبيوتر + شبكة وايرلس

وهنا شرح بسيط بالصور

طيب خلصنا من الشرح وعرفنا شلون تنتقل الصور
نروح نشوف صور المنتج

(القطعه اللي زي اليو أس بي هذي نحطها بالكمبيوتر عشان ننزل البرنامج حق الاي فاي عشان يمدينا ننقل الصور وبدون البرنامج مانقدر نستقبل الصور)

هذي صورة واجهه البرنامج اللي يجي مع الميموري
ولو تلاحظون انة لما نستقبل صورة تطلع الصورة على الجنب ويجي زي الداونلود

هذا فيديو سويتة عرض عن الميموري كارد وفيه تجربة لارسال الصور على الايباد

هذي وحدة من النتائج

ملاحظات
*سرعة نقل الصور للجودة العالية والحجم االاكبر تكون مابين 5-7 ثواني للصورة الواحدة ولما نحط على الجودة الاقل والحجم الاكبر تكون سرعة النقل لحظية يعني يدوب تصور الا طالعه بالكمبيوتر زي بالفيديو
*يتطلب وجود انترنت وشبكة وايرلس عشان تنتقل الصور وترى فيه خيار انك ترفع الصور بس على كمبيوترك او انك ترفعها على معرضك الالكتروني مثل فلكر أو اي موقع صور او حتى على حسابك بالفيس بوك واذا كنت مصور فيديوات تختار اذا تبيها تنرفع على اليوتيوب .. بس طبعا انا عطلت هالخاصية
*المنتج على حسب معرفتي غير متوفر بالمملكة لذالك مالك الا تشترية من النت زي ما أنا سويت
*الميموري كارد مايشتغل الا مع الكاميرات اللي تدعم الميموري من نوع SD فقط ولمعرفة اذا كانت كاميرتك تشتغل مع هالتقنية او لا أضغط هنا بعدين اضغط على شعار ماركة كاميرتك وتأكد
*أخيرا وليس أخر يبدا سعرة من 49$ للذاكرة 4 جيجا ( نفس اللي عندي ) ولمشاهدة الانواع الاخرى اضغط هنا..أشوف سعره ممتاز على الخدمة اللي يقدمها

لمشاهدة الموقع الرسمي لهذا المنتج

أخوكم | نايف

2 thoughts on “تعرف على ذاكرة الوايرلس Eye-Fi بتقنياتها المذهلة!

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s