فئات كاميرات كانون (SLR)

السلام عليكم

من خلال كثير من الاسئلة الي تطرح  اعتقد ان حنا في حاجة لموضوع فيه شرح للفئات من كاميرات slr الي موجودة في السوق.

نقطة مهمة هي ان بعض الفئات يكون فيها اكثر من نوع … راح اوضحها بإذن الله.

وان شاء الله الموضوع يسهل على الجميع اختيار الكاميرا المناسبة.

راح اتكلم ان شاء الله عن شركة canon

canon

شركة كانون تنتج اربع فئات راح اسردها من الاصغر الى الاكبر

الفئة الاولى:
هي الي يكون رقمها الف وفوق وتكون بالطريقة هذي (xxxxD)

مثال عليها كاميرا
Canon EOS 1000D

الفئة هذي مستحدثة في شركة كانون وما نزلت منها الا هالكاميرا.
اتوقع والله اعلم انهم ما نزلوها الا عشان تنافس كاميرات مثل نيكون d40x
المواصفات حقتها اقل من باقي الفئات وبالمقابل سعرها اقل.

تنفع للمبتدئين في التصوير… وسعرها في متناول الجميع ( مثل اسعار المدمجة الشبه احترافية).

الفئة الثانية:

هي الي يكون رقمها مية وفوق وتكون بالطريقة هذي (xxxD)

مثال عليها:
Canon EOS Rebel XSi / 450D

طريقة كانون في تسمية هالفئة كالتالي:
300
350
400
450
.
.
الخ

يعني كل ما نزل موديل مطور زادوا في الرقم 50 … واخر موديل نزل منها الي هو 550d

لذا احيانا يجي شخص ويسأل ” انا محتار بين 400 و450 وش اخذ؟”
هنا ال 450 عبارة عن الموديل الاجدد من هالفئة ( كأن السؤال مثلا عن سيارة نفس النوع لكن وحدة موديل 2000 ووحدة موديل 2005)

الفئة هذي مواصفاتها افضل من الفئة الي قبل ( لكن قريبة منها) … وايضا اسعارها رخيصة.

شخصيا ما اشوف ان الفئة الي قبل لها داعي.

الفئة هذي ايضا مخصصة للمبتدئين.

الفئة الثالثة
وهي الي يكون مسماها بالطريقة هذي (xxD)

الموديلات الي نزلت منها
10d
20d
30d
40d
50d

بالترتيب.

الفئة هذي اكثر احترافية … واغلى سعر.
فيها ميزات مثل عدد الفريمات ومواد صناعة البدي … الخ.

اخر موديل الي هو 50d

الفئات الثلاث السابقة حساساتها باقتطاع 1.6

الفئة الرابعة

وهي الي يكون مسماها بالطريقة هذي (xD)

وهذي هي الفئة الاحترافية من كانون

الفئة هذي لها 3 انواع او 3 موديلات

الاول
نزل منه 3 كاميرات
5D
5D mark II

5D mark III

من اهم ميزاتها الحساس الكامل ( full frame) ومجال الايزو العالي

ميزة هالموديل ان سعره مو غالي مرة مقارنة باداءها.

الثاني
هو موديل 1D
ونزل منه
1d
1d mark ii
1d mark ii n
1d mark iii

هذا الموديل موب فل فريم … لكن حساسه باقتطاع 1.3 ( اكبر من الحساسات للموديلات الثلاث الاولى)

من اهم ميزاته … الفريمات في الثانية تكون كثيرة ونقاط الفوكس (45 اوتو-19 مانيوال) والبدي حقه قوي جدا و ضد عوامل البيئة ( الغبار و الرطوبة ..الخ)… وميزات اخرى.

حجمها اكبر من الفئات الي قبلها وسعرها اغلى…. بس تستاهل

عادة يستخدمونها المحترفين في التصوير الرياضي وتصوير الطيور والحيوانات … بحكم عدد الفريمات والحساس المقتطع

الثالث
موديل 1Ds

وهذا والي قبله هم الي يتربعون على عرش الفئات

فل فريم
نقاط فوكس مثل الي قبل
بدي قوي جدا ومقاوم للغبار والرطوبة
بالاضافة الى مميزات اخرى

وهذي تعتبر الاغلى … سعرها يوصل فوق 25 الف بدي بس

هذا سرد مختصر وبشكل سريع لفئات الكانون فقط عشان نفهم وش الفرق بينهم

اتمنى يكون مفيد للجميع


الكاتبه | يارا القريني

YaraAlGoraini@

Advertisements

3 thoughts on “فئات كاميرات كانون (SLR)

  1. يا الله يا فهد فين عايش انت

    ليه البنت وش ناقصها علشان ما تفهم بكل شئ

    ردك مستفز والمشكلة قريته في يومي المقدس الخميس

    الله يهديك ويصلحك

  2. قسما ما كتبتها إلا استفزازا
    لأسباب صبيانية

    أعلم الآن أن الإعتذار لن يكفي
    لكني سأتصدق بصدقات عن نيتي و نيتك
    علها تشفع لي يوم الحساب

    أنا آسف.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s